hautatzailearen oharra

Euskaldunok geure buruaz eta munduaz eta bizitzaz hitz laburretan eman duguna biltzea da aipu hiztegi honen xedea. Gai eta garai guztietako autoreak arakatzen ari naiz, gogoetabide diren generoetan partikularzki: artikulu, gutun, bertso, poema, saiakera… Horrela, Aipu Hiztegia gure kulturaren eta gure pentsamenduaren gida gisako bat izan liteke, aipuok, zein bere moldez, iritzi landu bana edo topiko finkatu bana diren heinean. Baina erran gabe doa, noski, hautatzailearen erabakiek dituztela baldintzatzen aipuok denok, ezinbestez.
Koldo Izagirre

Deja un comentario

Tu dirección de correo electrónico no será publicada.