Zikintzeko arriskuan
Posted by zazpiak zazpi
Idazleok aukera bat egin behar dugu: libertatea ahalmen hutsean eduki eta ez idatzi (eta orduan eskuak beti garbi edukiko ditugu), edo libertatea jardunean eduki (eta orduan beti kondizio txarretan jardungo dugu, eta eskuak zikintzeko arriskuan egongo gara).
Ricardo Arregi. Esku zikinak, 1968
Zirkunstantzia bakoitzean
Posted by zazpiak zazpi
Herri baten arima, esentziaz, ez da deus ere, historiaren zirkunstantzia bakoitzean diferentea baita.
Rikardo Arregi. Narzisoak, 1966
Esentzia eta kontingentzia
Posted by zazpiak zazpi
Nigan gizon izatea da esentzia, eta euskaldun izatea kontingentzia.
Rikardo Arregi. Narzisoak, 1966
Gizarte gizatiar bat
Posted by zazpiak zazpi
Europa ondasun bat da, baina segun nola egiten den. Besterik gabe ez da ondasun bat. Gizarte gizatiar batentzat baldin bada bakarrik du sentidu bat.
Rikardo Arregi. Europaren jaioezina, 1967
Herrien Europa
Posted by zazpiak zazpi
Guk nahi-behar dugun Europak ez du nolanahikoa izan behar. Ez du kapitalisten eta trust handien Europa izan behar. Ez du ezertarako balio ez duten antzinako estatu zaharren Europa izan behar. Herrien eta pertsonaren Europa izan behar du. Hori lortzen ez den bitartean ez dugu bakean egoteko eskubiderik, ez dugu lanik egin gabe egoteko eskubiderik.
Rikardo Arregi. Europa berriro, 1964
Ihes egiteko
Posted by zazpiak zazpi
Badira Europan nazioak, taldeak, jendeak, Europaren batasunarekin beren problemak konponduko direla uste dutenak. Horientzat Europa benetako problemei ihes egiteko modu bat da.
Rikardo Arregi. Europa berriro, 1964
Fier eta harro
Posted by zazpiak zazpi
Zorionez, herri umila, izen handirik gabekoa da gurea. Horregatik maite dut gehiago, horrexegatik nago fier eta harro nere jaioterriaz.
Rikardo Arregi. Andoaindarra naiz, 1969
Bizi garen kondizioetan
Posted by zazpiak zazpi
Bizi garen kondizioetan herri erreboltatu bat izateko ahalmenik ez badaukagu, gureak egin du.
Rikardo Arregi. Amorrazioa, 1968
Etengabeko galdera
Posted by zazpiak zazpi
Gure izaera guztiak –ekonomikoak, gizartearekikoak, kulturarenak– zalantzatan jarririk daude. Horregatik, gure poesia, gure literatura, gure pintura etab. etengabeko galdera bat izango dira: Zer da euskaldun izatea? Zergatik euskaldun iraun?
Rikardo Arregi. Euskal kultura, 1966
Diktadorerik handiena
Posted by zazpiak zazpi
Gaur egunean, beharbada, diktadorerik handiena gizartea bera da.
Rikardo Arregi. Beatnik, 1966
Egitea edo ez egitea
Posted by zazpiak zazpi
Hain politikoa da euskararen alde lan egitea, [nola] euskararen alde lan ez egitea.
Ricardo Arregi. Gure jokabidea gaur, 1968
Arriskua
Posted by zazpiak zazpi
Libertateak, batez ere, arriskua adierazten du, jokabide ona ez hartzeko arriskua.
Ricardo Arregi. Esku zikinak, 1968