Elizan eta kabaretean
Posted by zazpiak zazpi
Euskarak behar du izan euskotarren hizkuntza bakar ilunean eta agerian, etxean eta kalean, elizan eta kabaretean, zeruan eta infernuan.
Andima Ibinagabeitia. Odol gabeko matxinada, 1958-1960
Herritasunaren gai
Posted by zazpiak zazpi
Herri den herri batek, hurrengo hiru nahiak bederik nabarmendu behar ditu, herritasunaren gai dela begira dagokion munduari erakusteko: izan-nahia, bizi-nahia, iraun-nahia.
Andima Ibinagabeitia. Odol gabeko matxinada, 1958-1960
Hartu-hartuka
Posted by zazpiak zazpi
Askatasunik ez du inork ematen: indarrez eta bortxaz iritsi behar da: “eman-emanka” ez, hartu-hartuka baino.
Andima Ibinagabeitia. Erri bat gainezka, 1958
Mortu soilenean galdu
Posted by zazpiak zazpi
Etxepareren oihua, mortu soilenean galdu zen. Zerbait behar zukeen bere baitan oihu harrigarri hark: aberri-arnasa.
Andima Ibinagabeitia. Arana-Goiri euskal idazle, 1953
Giza bihotzak
Posted by zazpiak zazpi
Jakintza eta teknika berriak gorabehera, giza bihotzak ez dira aldatu: kanpo-giroa zerbait bestelakotu arren, barne-giroa betikoa da orain ere.
Andima Ibinagabeitia. Zaitegi’tar Iokin, “Sopokel’en antzerkiak II”, 1958
Erdal-txitxare nazkagarria
Posted by zazpiak zazpi
Euskaldunon hezur-mamiak atergabe jaten ari den erdal-txitxare nazkagarria hil arte, ez dugu onik izango.
Andima Ibinagabeitia. Zaitegi’tar Iokin, “Sopokel’en antzerkiak II”, 1958
Luma hau mila zati
Posted by zazpiak zazpi
Nahiago dut luma hau mila zati egin eta surtara jaurti, euskal idazle bat, dena delakoa, betiko hondatu baino.
Andima Ibinagabeitia. Zaitegi’tar Iokin, “Sopokel’en antzerkiak II”, 1958
Berez gara lukur
Posted by zazpiak zazpi
Berez gara lukur eta esku-eutsiak euskaldunok barneko gure katramila eta auziak gordinki eta ausarki bihotz aratoletatik atera eta irakurlearen gogora aldatzeko.
Andima Ibinagabeitia. Txillardegi, “Leturiaren egunkari ezkutua”, 1957
Antxul eta inozotzat
Posted by zazpiak zazpi
Noiztenka egiak ere esan behar ditugu antxul eta inozotzat joko ez bagaituzte.
Andima Ibinagabeitia. Noni eta Mani (Muxika), 1952
Ogi latza ordea
Posted by zazpiak zazpi
Ogi latza ordea, egia-ogia.
Andima Ibinagabeitia. Noni eta Mani (Muxika), 1952
Ez dugu haserrerik behar
Posted by zazpiak zazpi
Euskal bidean ez dugu haserrerik behar, adiskidetasun zintzoena baizik.
Andima Ibinagabeitia. Salbatore Mitxelena, “Ama-semeak Arantzazuko kondairan”, 1951
Soraio eta hotz
Posted by zazpiak zazpi
Gure aberatsak beti bezala, eusko-kulturari buruz soraio eta hotz. Pozik emango nieke astinaldi gogor bat burutik behera, merezi dutelakotz. Beharba egunen batean zartailua erabili beharko dugu.
Andima Ibinagabeitia. Jokin Zaitegiri egin gutuna, 1950-09-15
Zoztorrak oro
Posted by zazpiak zazpi
Euskerari arpegi emateko, osoa, langilea, adoretsua behar du gizonak, bideratuko zaizkion zoztorrak oro zapaldu eta porrokatzeko.
Andima Ibinagabeitia. Jokin Zaitegiri egin gutuna, 1947-09-26
Alderdi bat sortu
Posted by zazpiak zazpi
Gure gazte denporako amets urdinei ez diet ukorik egiten, ez eta egingo ere. Egunen baten euskera hutsezko alderdi bat sortu beharko dugu Euzkadin, adiskide, bestela erdel-uholdeak betiko itoko gaitu.
Andima Ibinagabeitia. Jokin Zaitegiri egin gutuna, 1947-09-26
Hobia atxurkatzen
Posted by zazpiak zazpi
Euskerak, Euzkadiko Agintari eta enparau abertzaleei, buruauste haundirik ez die ematen. Izparringietan noizikpehinka, erostaren bat jo, Francok gure hizkuntza geroago eta gogorkiago menperatzen dualako, eta kito. Gainera, hori ere erdaraz. Ez ote dakuste, gure etsaiak baino kalte haundiagoa egiten diotela euskerari, mundu zabalean erderaz hain apainki argitaratzen dituten izparringiekin? Zeharo itsuturik daude eta ez dute ikusi nahi, oinazpian euskeraren hobia atxurkatzen ari diranik.
Andima Ibinagabeitia. Jokin Zaitegiri egin gutuna, 1947-09-26
Arrotz bizitzeko
Posted by zazpiak zazpi
Azken aldiotan aberriratzeko eretirik izan dut, baina nik adorerik ez arbasoen lurrean arrotz bizitzeko.
Andima Ibinagabeitia. Jokin Zaitegiri egin gutuna, 1938-04-02
Otsoa otso
Posted by zazpiak zazpi
Nahiz errege koroaz, nahiz txapel gorriz, nahiz friji txanoz, nahiz txamarra urdinez, nahiz gorri minez burua eta gorputza estalita agertu, otsoa otso eta espainiarra espainiar.
Andima Ibinagabeitia. Lauaxeta, 1967
Ardi eta aker
Posted by zazpiak zazpi
Gutarrak bortxaz ezker gorriekin bat dabiltzalakoan naukazu. Gixaxoak! Halaz ere, nere bihotzak eurekiko gorrotorik ezin du sortu. Odoletiko asmo batez lan egin dugu, gaur gorriekin nahas dabiltzan arren. Zuriek ere, ez ote dira gero bide okertze honen errudun? Jauna dago guzien gainetik bereizgarri. Harek bereziko ditu egunen baten ardi eta aker.
Andima Ibinagabeitia. Jokin Zaitegiri egin gutuna, 1936
Biek ostikopetu dituzte
Posted by zazpiak zazpi
Herri baten, hizkera baten eskubideak ezin ditzake inork ere ostikopetu, ez Estatuak ez Elizak, are gutxiago Elizak. Eta gure artean, biek ostikopetu dituzte, eta nola!
Andima Ibinagabeitia. Donostiako seminario berria, 1954
Hauspean
Posted by zazpiak zazpi
Oraindik txinparta ez da osotoro ilundu. Bizirik dirau hauspean.
Andima Ibinagabeitia. Sukar-amets, 1954
Zer itxaron ote dezakegu
Posted by zazpiak zazpi
Txepel hutsak, euskara baino erdara erabili nahiago duten alderdikideak. Etoi batzuk, jakintza eta kultura erdaraz sakatzen diguten guztiak. Saldu batzuk, erdara elizetan barreiatzen duten gotzain, apaiz eta lekaideak. Ziraun batzuk, erdara betiko zapuzten ez duten euskaldunak euskara soilik erabiltzeko. Zer itxaron ote dezakegu txepel, saldu, etoi eta ziraunez jositako herri batengandik?
Andima Ibinagabeitia. Ataurrekoa, 1954
Abertzale zintzo izateko…
Posted by zazpiak zazpi
Euskara ez dela aski abertzale zintzo izateko darasate… Eta erdal merkatari etoi bihurtu zaizkigu euskaldunak oro.
Andima Ibinagabeitia. Ataurrekoa, 1954
Harrobi eta hilobi
Posted by zazpiak zazpi
Gurean JEL alderdia izan da abertzaletasunaren harrobia, baita euskararen hilobia ere.
Andima Ibinagabeitia. Ataurrekoa, 1954
Herria suntsituko
Posted by zazpiak zazpi
Gogo-alferkeria horrexek betiko gure herria suntsituko du.
Andima Ibinagabeitia. Gernika, gure aldizkaria, 1953
Populuak lotsarik ez
Posted by zazpiak zazpi
Populuak, berez, ez du batere lotsarik euskara ukatzeko eta arbuiatzeko.
Andima Ibinagabeitia. Populuaren eskuara, 1953
Populuaren titiak
Posted by zazpiak zazpi
Baina nik galdetzen dizuet: non daude populuaren euskal titi oparoak? Non daude baserriko euskal simaur urrintsuak? Ez ditut nik behintzat inon ere ikusten, ez usnatzen.
Andima Ibinagabeitia. Populuaren eskuara, 1953
Lau-bost musika neurrik
Posted by zazpiak zazpi
Giza mintzoek ezin agerrarazi dezaketen misterio sakona, lau-bost musika neurrik azaltzen digute.
Andima Ibinagabeitia. Verdi, 1950
Ez izenik ez izanik
Posted by zazpiak zazpi
Beretik landa, nork bere izateari uko eginez dabilenak, ez du ertilari izenik merezi, izanik ere ez baitu.
Andima Ibinagabeitia. J.S. Bach (1750,1959), 1953
Badu olio beharrik
Posted by zazpiak zazpi
Ene fede-krisailuak badu olio beharrik argi iraungo badu diaspora zatar honetan.
Andima Ibinagabeitia. Nemesio Etxanizi igorri gutuna, 1953
Izkepot lizuna
Posted by zazpiak zazpi
Eliz, dolar eta erailketaren arteko izkepot lizunaren ondoren, gure itxaropenaren zerua betiko itxi zaigu.
Andima Ibinagabeitia. Nemesio Etxanizi igorri gutuna, 1953
Ez dago beste biderik
Posted by zazpiak zazpi
Hizkera kontuan ez dago beste biderik metodo totalak baizik.
Andima Ibinagabeitia. Euskararen auzia, 1953
Hileta joz
Posted by zazpiak zazpi
Hileta joaz ez goaz inora ere.
Andima Ibinagabeitia. Euskararen auzia, 1953
Izurririk kaltegarriena
Posted by zazpiak zazpi
Gure baitan daukagu izurririk kaltegarriena, gure hizkera auzian kalte eta hondamendi guztien iturria: alferkeria, nagikeria, etsipena.
Andima Ibinagabeitia. Euskararen auzia, 1953
Ez du inoiz Elizak
Posted by zazpiak zazpi
Euskotasunaren kontzepturik ez du inoiz Elizak onartu, eta jakina, euskotasuna sendotzerik ere ez du inoiz egin.
Andima Ibinagabeitia. Euskararen auzia, 1953
Euskara gabe
Posted by zazpiak zazpi
Euskara gabe, niretzat, ez dago naziotasunik.
Andima Ibinagabeitia. Euskararen auzia, 1953
Eustazpia
Posted by zazpiak zazpi
Nik euskara dela esango nuke eusko naziotasunaren eustazpia, zimendua.
Andima Ibinagabeitia. Euskararen auzia, 1953
Ezpata zorrotz
Posted by zazpiak zazpi
Gure ezpata garbitu, zorroztu eta gantzutu beharrean gaude, edonongo kultur zelaietan erabiltzeko.
Andima Ibinagabeitia. Buru-lan, kultur-lan (II), 1952
Burutik usteltzen
Posted by zazpiak zazpi
Nonbait idatzi zuen Eguzkitza zenak, arraina burutik usteltzen hasten dela. Gure hizkera ere burutik, gizon jakintsu edo jakintsu aipuzkoengandik hasi zitzaigun usteltzen, andeatzen.
Andima Ibinagabeitia. Buru-lan, kultur-lan (II), 1952
Erlantzak itsuturik
Posted by zazpiak zazpi
Erdararen erlantzak itsuturik, erdararen mende ibili gara.
Andima Ibinagabeitia. Buru-lan, kultur-lan (II), 1952