Ez gira hortan
Posted by zazpiak zazpi
Munduko gizon guziek onart balezate morala bera, denen artean munta balezate indar armatu bakar bat, morala horri jarraikiko liezken auzitegien zerbitzuko, orduan segur gerla baztertua litake edo bederen gutitua. Bainan ez gira hortan eta ez goatzi hortarat.
Piarres Larzabal. Nere mendixkatik, 1999
Ez gaitu maitasunak
Posted by zazpiak zazpi
Ez gaitu maitasunak batzen, ikara larriak baizik.
Horregatik natzaio agian leial aberri dohakabe honi.
Xabier Lete. Urrats desbideratuak, 1981
Aberria, orain
Posted by zazpiak zazpi
Eta aberria, orain
lotsaldi eta erorka guzien izendapen zait.
Xabier Lete. Urrats desbideratuak, 1981
Beti besterena
Posted by zazpiak zazpi
Hitz soil bat zeralako
poetek asmatua
zorionik asmatzen
ez zekitelako
denona zeralako
ezer ez zeralako
maite zaitut zorion
beti besterena.
Xabier Lete. Urrats desbideratuak, 1981
Cainen mezuak
Posted by zazpiak zazpi
Herri dohakabea
gu denen herria
besterik izan ez ta
hain baita gurea,
hain gorrotagarria
hain zentzugabea
hil nahiago duena
bizi izan baino,
ekaitzek ingurua
jan diotelarik
Cainen mezuetan
irriz erortzeko.
Xabier Lete. Urrats desbideratuak, 1981
Amets betezko loa
Posted by zazpiak zazpi
Ez nau iluntzen baratzatikan
azken loreak biltzeak
muga guztien arrazoi bila
arnas gabe ibiltzeak
arratsaldeko argi betera
zentzu denak umiltzeak,
amets betezko loa baitakar
behin betirako hiltzeak.
Xabier Lete. Urrats desbideratuak, 1981
Gezur eta egia
Posted by zazpiak zazpi
Nafarroa, arragoa
sua eta ura
mahats eta gari
maitasun eta gorroto
gezur eta egia gurea.
Xabier Lete. Bigarren poema liburua, 1974
Oroitzapen besterik ez
Posted by zazpiak zazpi
Sagasti eder, sagasti zuri
inguma-atsegintoki iduri…
O, Lizardi!
Dastatu huen agian hik
lehen lore goiztar haren eztirik?
Gure aspaldiaren lore zuriak
oroitzapen besterik ez dituk.
Oroimenean zeudek hilik.
Xabier Lete. Bigarren poema liburua, 1974
Lur zabala eremu
Posted by zazpiak zazpi
Begiak lehorrak daude
etorkizunik ez dago
lur zabala eremu da
ez dutenentzat.
Xabier Lete. Bigarren poema liburua, 1974
Hala ere
Posted by zazpiak zazpi
Hala ere, gelditu egingo naiz.
Hala ere, hau nere lurra da
hemen dago
gure etxe bakarra.
Xabier Lete. Bigarren poema liburua, 1974
Noiz izan behar zera
Posted by zazpiak zazpi
Herria, herria,
hain zahar eta hain berria,
noiz hautsi behar dezu
katearen legea,
noiz izan behar zera
zure etorkizunaren jabe
nausirik gabea.
Xabier Lete. Egunetik egunera orduen gurpillean, 1968
Momentuko lore
Posted by zazpiak zazpi
Zoriona,
momentuko lore,
ez zera frutu iraunkorra.
Xabier Lete. Egunetik egunera orduen gurpillean, 1968
Gogorra izango da
Posted by zazpiak zazpi
Ai, poeta!
Gogorra izango da zuretzat
Askatasun Eguna.
Xabier Lete. Egunetik egunera orduen gurpillean, 1968