Literatur ezik
Posted by zazpiak zazpi
Nik hizkuntza eli bat ikasi ditut, hizkuntza zale naiz eta; baina ez batean ez bertzean ez dut gure euskara bezalako literatur ezik aurkitu.
Jon Mirande. Andima Ibinagabeitiak egin elkarrizketa, 1953
Olerkaririk garaienak
Posted by zazpiak zazpi
Niretzat Englandekoak dira olerkaririk garaienak. Ez dakit hizkuntazk egin dituen poeta, ala poetek egin duten hizkuntza.
Jon Mirande. Andima Ibinagabeitiak egin elkarrizketa, 1953
Zahartzen eta akitzen
Posted by zazpiak zazpi
Frantzitarren ariora demokraziaren amets urdinekin lokartzen den herriak zahartzen eta akitzen ari dela emaiten du ikusterat.
Jon Mirande. Euskaldungoaren etsaiak, 1953
Anarkistak gara…
Posted by zazpiak zazpi
Mark Legazek dioenez, anarkistak gara… Nire ustez, haatik, atzerritarrek dute anarkismo galgarri honen hazia gure baitan erein, Euskal Herri elkartu eta indartsu baten beldur zirelakotz.
Jon Mirande. Euskaldungoaren etsaiak, 1953
Lehen etsaiak
Posted by zazpiak zazpi
Gure herria maite ukan arren halaz ere maitarzun horrek itsutu ez bagaitu, guhaur izan garela maiz lehen etsaiak aitortu beharko dugu.
Jon Mirande. Euskaldungoaren etsaiak, 1953
Ez dira askeago
Posted by zazpiak zazpi
Demokraziek gudua irabazi dute, bainan heietan igurikipen jarri eta heien aldamenean gudukatu zuten euskaldunak ez dira horregatik askeago.
Jon Mirande. Euskaldun gudu-zalduntza baten beharkiaz, 1952
Abstrakzino huts bat
Posted by zazpiak zazpi
Sendia bada herri baten oinarria, herriak dira Europaren oinarriak, eta inor herritar on izan ez baititeke beraren senitartea ukatzen badu, halaber inor ezin izan diteke europar on bere herritasuna ukatzen badu. Herririk gabeko Europa bat abstrakzino huts bat baizik ez litzake, haragi eta odol gabeko iratxo bat.
Jon Mirande. Euzkadi eta Europa, 19??
Aurka batzen dira
Posted by zazpiak zazpi
Optimista dendagaitzek barka bezaidate bainan gizonak beti zerbaiten edo norbaiten aurka batzen dira, ez zerbaiten edo norbaiten alde, eta munduko gizon guztiak batuko lirake beharbada etsai komun bat gerta balekie, beste mundu batetik etorria edo, ez ordea bestela.
Jon Mirande. Euzkadi eta Europa, 19??
Aurrerapen egiteko
Posted by zazpiak zazpi
Zorionezko da kritikatzaile egiazko bat atzeman duen idazlea, hori baitu bere langintzan aurrerapen egiteko bide bakarra…
Jon Mirande. Ene artikulu baten “kritika”ren ondotik, 1962
Aberri Oinpetuen Alkartza
Posted by zazpiak zazpi
Ene gardiz, Paris hau toki egokia genuke horrelako “Aberri Oinpetuen Alkartza” edo liga bat eraikitzeko, ugari baitaude hemen minoritate gutiz gehienetako semeak. Oraindanik, eusko abertzaleak harremanketan sartzera saiatu behar lirake horiek guztiekin, herri arteko batzaldiak antolatuz, bai eta, eginkor balitz, aldizkaritxo bat argitaratuz ere, herri arteko alkar laguntza berri horren adierazle litzakeenik.
Jon Mirande. Abertzaletasunaren inguruan, 1953
Ezer ez dezakegu itxaro
Posted by zazpiak zazpi
Benetan diot: herri handi baten edo besten jarri zituzten itxaropenak utzi beharko dituzte eusko abertzaleek; herri handiengandik ezer ez dezakegu itxaro.
Jon Mirande. Abertzaletasunaren inguruan, 1953
Horrek ez du erran nahi
Posted by zazpiak zazpi
Hebraieraren salbamenaren baldintzak ez ditugu ordea Euskal Herrian erideiten, eta gure herriak inoiz ere libratzen baditu lokarriak erdaldunen uztarritik, horrek ez du erran nahi “ipso facto” euskara salbaturik datekeenik.
Jon Mirande. Irlanda, haren egoera eta egungo estatua, 1954
Oro ezin eduki
Posted by zazpiak zazpi
Lehen hain ugari izanik, gaur egun ia inork ez badu laminik topatzen, hori ez al da ohiturazaleek (tradiziozaleek) aipu duten “munduaren gotortzeak”, munduaren aurreratzeak, ekarritako ondore bat? Egia da demokrazia eta atomoaren fisika ere ekarri dizkigula… Oro ezin eduki dezakegu.
Jon Mirande. Gizalekoreko izateak euskaldunen eta kelten folkoretan, 1952
Erautsi bide zituzten
Posted by zazpiak zazpi
Beharbada ere, gure nausi tenporal eta izpiritualek indarrez erautsi bide zituzten euskaldunen gogo-bihotzetatik paganu usain gehiegi zeukaren herri sinespenak…
Jon Mirande. Gizalekoreko izateak euskaldunen eta kelten folkoretan, 1952