Zabal gelditu zaio
Posted by zazpiak zazpi
Hura eta ni eta zu eta San Tomas eginik ere, Jaunaren eskua ez zan kakotu, zabal gelditu zaio gizon haundiak egiteko.
Orixe. Eusk, Euskadi, 1951
Adiskideago
Posted by zazpiak zazpi
Platon adiskide, Arana adiskide, bainan egia adiskideago.
Orixe. Eusk, Euskadi, 1951
Buru-bihotzean
Posted by zazpiak zazpi
Kultura horrek salbatuko gaitula? Gizabidea behar degu, giza-lantzea, nahi dezutena; bainan buru-bihotzean lantzea.
Orixe. Arnas (III) irakurriz, 1960
Grezista handi hura
Posted by zazpiak zazpi
Ez neri aipatu grezista haundi hura filosofo bezela.
Orixe. Arnas (III) irakurriz, 1960
Aski haur beti
Posted by zazpiak zazpi
Haurra gizon da beure kaxkarrean, badu norbaitasuna; gizona, berriz, aski haur beti.
Orixe. Arnas-en berri laburra, 1960
Jaungoikoa gizalegearen aurka?
Posted by zazpiak zazpi
Apaizak ez dezala jardun, behinik behin, herriari bizkarra emanez. Gure Jaungoikoa gizalegearen aurka ote dago?
Orixe. Arnas-en berri laburra, 1960
Herriak ez bezala
Posted by zazpiak zazpi
Herri euskera ikastea on da; baina horrez gainera, erabili dan gaietan nola erabili ikastea on da; baina horrez gainera, erabili ez dan gaietan nola erabili ikastea batere ez okerrago. Herri euskera, bai, nahi dan guzia, baina herriak ez bezala erabilia.
Orixe. Paul Gurenaren eskutitzak, 1958
Guztien ikasle naiz
Posted by zazpiak zazpi
Zenbaitek politika zikina egiten dute euskeraren inguruan. Nere politikakoa ez bada, tirrit horri. Euskeraz idazten dan guzia, irakurri egin behar genuke. Nik ikasi egin dut Eusko Gaztediko ikasleengandik, bai eta karlistengandik, bai eta komunistengandik, bai eta herriarengandik. Guzien ikasle naiz, eta oraindik ikasteko nago.
Orixe. Paul Gurenaren eskutitzak, 1958
Itsu ez banago
Posted by zazpiak zazpi
Ni oso itsu ez banago, beste aldeko horiek oso itsu daude.
Orixe. Markiegi zana, 1950
Besteri erraza da esaten
Posted by zazpiak zazpi
Besteri esaten errez da “Ez dezazula hola idatzi”. Norberak egin behar dunean dira izatekoak.
Orixe. Markiegi zana, 1950
Min emaiten didana
Posted by zazpiak zazpi
Ez dit minik emaiten txarrantxa, subeatsa, garbak, harilkia, matazorea, ardatza, txoratila eta gainetiko horiek alde egin izateak, horiekin alde egin duen euskal bizitzak baino.
Orixe. Iruleak, 1935
Zentzuzko gizona olerkari
Posted by zazpiak zazpi
Nola diteke, esan zidan behin Kizkitzak, Lizardi bezelako zentzuzko gizona, olerkaria izatea? Horrexegatik bada, esan nion: idurimenaren eta bihotzaren jardunean zentzuz eta aukeraz jokatzen duelako.
Orixe. Lizardiren azken olerkiak, 1933
Soinekoan zikin bat
Posted by zazpiak zazpi
Nik nere anaiaren bati, agerira atera behar eta, soinekoan zikin bat ikusiko banio, anaia ona al nintzaioke hura ez kentzearren, besteen parragarri utziko banu? Ez det halakorik egin nahi. Hor ahopetik ari diranak ez zaituzte nik baino maiteago. Nik, bihotza zerbait bihurritu behar eta ere, esango dizkizuet neri makar iduri zaizkidanak.
[Orixe. Euskal eusko-olerkiak, 1932
Hasi berri gara
Posted by zazpiak zazpi
Hasi berri gara, eta lehenbizikotik ezin egin dugu besteek hainbat laster. Esan bezate nahi dutenek basati garala, zozo garala, gure mintzoa ez dela sukalderako eta ukuilurako baizik: ez gara izutuko. Lehenbizikoz etxetik ateratzean okerrik eta oztoporik egin badugu, jaikiko gara; ibiltzen hasitakoan oinpea bigun-eta, min baldin badugu, gogortuko zaigu. Atzenik, biziko da gure euskera: ez galduko gure herri hau.
Orixe. Eusko olerkitzaz, 1921
Basa-jendea
Posted by zazpiak zazpi
Uri haundietan bizi zan jendeari, uri-jende esaten hasi ziran: astys, civilis. Geroxeago maltzur, astuto. Herri-jende xumeari basa-jende esatea ez dago ongi, baina gaurko egunean, baserrietan bizi dan jenderik ankerrena uri-jenderik gehienak baino gizabide haundiagokoa iruditu zait. Baserritarra naiz, uri haundiak ikusi ditut, ez det ordea ikusi gure baserritarrak bezain gizabidezko uritarrik.
Orixe. Gizabidea, 1950