Aski eta sobera min
Posted by zazpiak zazpi
Jainkoaz guti azola zuten eroek piztu su gaitzak
badakizue nola bortz urtez erre dituen bihotzak…
Bakarrik hemen xutik dauzkagu etxeak eta zuhaitzak
bazaukun aski eta sobera min eginik zorigaitzak!
Oxobi. Gure herria, 1921
Nor ote da zaharrez
Posted by zazpiak zazpi
Ixil nindoalarik haitz hekien pean
gogoeta hunek nu jo nahigabean:
Eskual Herrian gaindi, oraiko mendean
nor ote da zaharrez oroit gutartean?
Oxobi. Uztaritze, 1913
Espantu frango
Posted by zazpiak zazpi
Horra zer duten hirian: espantu frango mihian.
Oxobi. Mendi-mendian!, 1913
Bihotza beti berbera
Posted by zazpiak zazpi
Elgarretarik gaituztelakotz gaixtakeriaz berextu
erdaldun askok diote beraz odolez girela hustu…
Egin bezate, samur gorrian, sugeak bezenbat hixtu
gure bihotza beti berbera, tona batek ez du histu!
Oxobi. Zazpiak bat, 1910
Negarrez busti
Posted by zazpiak zazpi
Urrun etzatera zoan odoletan iguzkia
osoki karra galdurik, goizdanik baitzen jeikia.
Eta nik jakin dut orduan lur huntan zer den egia:
behar dugula noizbeit orok nigarrez busti begia.
Oxobi. Oihartzunak mendian zer dion, 1910