Ez gizonaren gauza bat
Posted by zazpiak zazpi
Errespetua ekarri behar giniokela deraukat
andrea ere norbait da eta ez gizonaren gauza bat.
Xalbador. Emaztea, 1976
Bat gineneko egun ederrak
Posted by zazpiak zazpi
Bi aldetarik nagusi bana jarriz geroz Naparroan
ez dakit gure etorkizuna zoin ateri buruz doan
ez eta ere gaur zer hainetan zauden zu euskaldungoan…
Bat gineneko egun ederrak ditut bakarrik gogoan.
Xalbador. Naparroari, 1976
Txarra da beldurra
Posted by zazpiak zazpi
Bake sortaraztaile txarra da beldurra.
Xalbador. Bakea, 1976
Aunitz maite duenak
Posted by zazpiak zazpi
O, entzule maitea, otoi barkamendu
ez badut bozkarioz kantaldi hau ondu.
Jostetako gogoa dautate ekendu:
aunitz maite duenak aunitz sofritzen du.
Xalbador. Nigarra begian, 1976
Gutaz ahalgetua
Posted by zazpiak zazpi
Sumatuz euskaldunak ospetsu nahian
guretik deus ez duen hizkuntza mihian
sofritzen egoiten naiz horien erdian
gutaz ahalgetua, nigarra begian.
Xalbador. Nigarra begian, 1976
Frantses edo espainol
Posted by zazpiak zazpi
Zortearen indarrez munduan ni ere
sartu nintzan euskaldun agerien jabe…
Frantses edo espainol sortu banintz hobe
gaur ez nuen izanen hoinbertze nahigabe!
Xalbador. Nigarra begian, 1976
Bere haurrek hila
Posted by zazpiak zazpi
Hilobi huntan noizbait norbait balabila
zure izaitearen errestoen bila
lurpetik entzunen du deiadar bipila:
“Hemen dago ama bat bere haurrek hila!”
Xalbador. Ama Euskal Herria, 1976
Nork barka diezaguke?
Posted by zazpiak zazpi
Ama Euskal Herriaz naiz nahigabetua
uzterat doalakotz betikotz mundua
bere seme-alabez abandonatua:
nork barka dezaguke gure bekatua?
Xalbador. Ama Euskal Herria, 1976
Ez baita josteta
Posted by zazpiak zazpi
Euskaldun agertzea ez baita josteta.
Xalbador. Ama Euskal Herria, 1976
Izaite bat ez daike
Posted by zazpiak zazpi
Anai-arrebak, entzun ene aho hotsa:
izaite bat ez daike hezur hutsez osa:
herria da gorputza, hizkuntza bihotza
bertzetik berextean bitarik bakotxa
izaite horrendako segurra hilotza.
Xalbador. Herria eta hizkuntza, 1976
Lanopean bezala
Posted by zazpiak zazpi
Bat herria goratzen arrotz baten gisa
arrotz-nahiak berriz herriaren hitza…
Gureak ja egin du, gaiten garbi mintza
lanopean bezala galduak gabiltza:
ez daizke bi nagusi batean zerbitza!
Xalbador. Herria eta hizkuntza, 1976
Gauza tristea
Posted by zazpiak zazpi
Amodioa gauza tristea, bihotzen higatzailea
guziz ene bezala bada esperantzarik gabea.
Xalbador. Esperantzarik gabeko amodioa, 1976
Denen gogoan emana
Posted by zazpiak zazpi
Udak ardia derama
libro oihanetan barna
orduan ez naiz ni jauna.
Libertatea Jainkoak baitu
denen gogoan emana
uzten diotet baimena.
Nola dezaket kondena
nihaurek maite dutana?
Xalbador. Artzaintza, 1976