AIPU HIZTEGIA

Asma dezagun

zazpiak zazpi — Wed, 10 Apr 2019 07:02:22 +0000

Euskal kulturadun hutsak ezin bagintezke izan, asma dezagun kultura berri bat, munduko kulturaren abangoardian martxa gaitezen. Ahal duguna salba dezagun, eta apur hori eraberritu dezagun. Ateratzen denarekin, munduari desafio diogun. Horrela salbatuko gara.
Gabriel Aresti. Mendearen semeok, 1965

Auziak irabazirik

zazpiak zazpi — Thu, 16 Aug 2018 05:36:07 +0000

Gure guraso maitagarriek beren hizkuntz ederra etsai portitzek lurraren azpiraño sarturik arras ezkutatu nahiean darabiltela ikusi badute ere denpora luzean, gaurko egunean arkitzen da, beraren seme prestu leial argien bidez, auziak irabazirik, eder eta galant, pizkor eta sasoikoa txit, erdaldun mingain latz harroek honelakorik gertatzea uste ez bazuten ere.
Iztueta. Gipuzkoako probintziaren kondaira, 1847

Gertatzen zaikuna

zazpiak zazpi — Thu, 16 Aug 2018 05:30:29 +0000

Euskaldunai gertatzen zaikuna da, gauzarik bikainena eta ederrena ere, euskararen izenekoa baldin bada, ostikoperatzea, gehiago bage, bera azaletik bedere ezagutzen ez duten txoriburu puztuek.
Iztueta. Gipuzkoako probintziaren kondaira, 1847

Moralista batzu

zazpiak zazpi — Sat, 14 Oct 2017 07:25:34 +0000

Gaur hoin zabalki eta argi mintzo diren moralista batzu Francoren kondenatzeko, zergatik ez dira hola mintzatu hura bizi zelarik?
Piarres Larzabal. Nere mendixkatik, 1999

Ez bakarrik bideak

zazpiak zazpi — Sat, 14 Oct 2017 07:23:53 +0000

Francoren joeran, ez ziran bakarrik bideak okerrak, bainan helburua ere ba.
Piarres Larzabal. Nere mendixkatik, 1999

Egin balezate, zer erran ote lezakete…?

zazpiak zazpi — Sat, 14 Oct 2017 07:19:37 +0000

Ordu hetan apezek egin ginuena frantsesen aberriaren alde, gaurko apez euskaldunek egin balezate beren aberri Euskadiren alde, zer erran ote lezakete kristau moralistek?
Piarres Larzabal. Nere mendixkatik, 1999

Kristau morala

zazpiak zazpi — Sat, 14 Oct 2017 07:15:41 +0000

Ez da gogotik galdu behar, kristau moralak ez duela izan behar lanoetako aingerukeria bat, ez eta ere lur azaleko gizonkeria bat.
Piarres Larzabal. Nere mendixkatik, 1999

Gauzak bertzelaka litazke

zazpiak zazpi — Sat, 14 Oct 2017 07:13:22 +0000

Gauzak bertzelaka litazke, Vaticano gobernuaren harremanak balirezke populuekin eta ez heien manatzale diren urruneko gobernuekin. Noiz ote?
Piarres Larzabal. Nere mendixkatik, 1999

Lapurtua zuten Kristo

zazpiak zazpi — Sat, 14 Oct 2017 07:10:32 +0000

Horrenbertzetaraino francotiarrek lapurtua zuten Kristo non, batzuen arabera, kristaurik ez zitaken izan lapur horien tartean baizik.
Piarres Larzabal. Nere mendixkatik, 1999

Ez gira hortan

zazpiak zazpi — Sat, 14 Oct 2017 07:03:59 +0000

Munduko gizon guziek onart balezate morala bera, denen artean munta balezate indar armatu bakar bat, morala horri jarraikiko liezken auzitegien zerbitzuko, orduan segur gerla baztertua litake edo bederen gutitua. Bainan ez gira hortan eta ez goatzi hortarat.
Piarres Larzabal. Nere mendixkatik, 1999